საქართველოს პადელის ეროვნულმა ფედრაციამ მრჩეველთა საბჭო დააარსა

საქართველოს პადელის ეროვნული ფედერაციის მრჩეველთა საბჭო პირველად შეიკრიბა. მრჩეველთა საბჭოს შეხვედრებს საქართველოს პადელის ეროვნული ფედერაციის პრეზიდენტი - ნინა სვანიძე ქარცივაძე გაუძღვება და მისი საპატიო წევრები არიან:

გიორგი კერესელიძე - ეკონომისტი, ისტერნ პრომოუშენსის დამფუძნებელი და დირექტორი;

თეიმურაზ ქურხული - ეკონომისტი - მონტენეგროს საპატიო კონსული;

ლევან გუდიაშვილი -  ფინანსისტი - „აჭარა ჯგუფის“ ფინანსური დირექტორი;

გიორგი ყიფიანი - ყოფილი ფეხბურთელი; საფეხბურთო კლუბ „ლოკომოტივის“ ტექნიკური დირექტორი;

მარიამ ბებიაშვილი - მარკეტერი - ბრენდ სტრატეგი;

მრჩეველთა საბჭოს პირველ შეხვედრაზე ფედერაციის წარმომადგენლებმა პირველი სეზონი შეაჯამეს და შესაბამისი ანგარიში წარადგინეს. ასევე ისაუბრეს მომავალი სეზონის გეგმებსა და მიზნებზე. მომდევნო შეხვედრა დეკემბრის თვეშია ჩანიშნული, სადაც საქართველოს პადელის ეროვნული ფედერაცია და მრჩეველთა საბჭო მომავალი სეზონის გეგმებზე, ლიგის სტრუქტურაზე, ეროვნულ ნაკრებებზე და სხვა დაგეგმილ ღონისძიებებსა, თუ ტურნირებზე იმსჯელებენ.