სპეფ-ის ორგანიზებით შეჯიბრების სერიის რიგით მეოთხე ტურნირი ‘პადელ აილენდში’ ჩატარდა

საქართველოს პადელის ეროვნული ფედერაციის ორგანიზებით, ტურნირების სერიის მე-4 შეჯიბრი, 4-9 ივნისს, ფედერაციის ერთ-ერთ წევრ კლუბში - „პადელ აილენდში“ ჩატარდა, თუმცა უამინდობის გამო კაცების ფინალური მატჩი 9 ივნისის მაგივრად, 14 ივნისს გაიმართა.

აღნიშნული ტურნირით ფედერაციამ შეჯიბრების სერიის პირველი წრე ჩაამთავრა, რაც ყველა წევრ კლუბში თითო ტურნირის ჩატარებას გულისხმობდა. შეჯიბრში მონაწილეობა კაცების 32-მა, ხოლო ქალების 12-მა გუნდმა მიიღო. ტურნირს კვლავ ფედერაციის მიერ გადამზადებული ლიცენზირებული მსაჯები უძღვებოდნენ.

კაცების ფინალურ მატჩში დავით ჭელიძემ და საბა გურგენიძემ წინა ორი შეჯიბრის გამარჯვებული დავით ბაბუნაშვილი დაამარცხეს ახალ მეწყვილესთან, ნიკოლოზ გაბრიჩიძესათან ერთად და ტურნირის გამარჯვებულები გახდნენ.

ქალების ფინალური მატჩი ისევ მონო სითათაშვილმა და ლიზა წოწორიამ მოიგეს.

ჩატარებული ტურნირის შედეგების საფუძველზე, ოფიციალური რეიტინგი განახლდა და მალე გამოქვეყნდება.

შეგახსენებთ, რომ ფედერაცია 2024 წლის საშეჯიბრო სეზონში ტურნირების კიდევ 4 ტურს გეგმავს. მომდევნო ტურნირი ივლისის თვეში გაიმართება ახალი ფორმატით, რაც თითო შეჯიბრზე მონაწილე გუნდების რაოდენობის გაზრდისა და ყველა წევრი კლუბის ჩართვის საშუალებას მოგვცემს.