სპეფ-ის ორგანიზებით 1 ივნისს საქველმოქმედო ტურნირები ჩატარდა
საქართველოს პადელის ეროვნული ფედერაციის ინიციატივით, 1 ივნისს, ბავშვთა დაცვის საერთაშორისო დღეს, საქველმოქმედო ტურნირები ჩატარდა.
შეჯიბრი ფედერაციის წევრ ორ კლუბში გაიმართა, სადაც 16-16 შერეული, ქალებისა და კაცების წყვილი გუნდები მონაწილეობდნენ.
პირველი ტურნირის მასპინძელი პადელის აკადემია იყო, სადაც ირაკლი მეტრეველისა და ანი მაჭავარიანის წყვილმა გაიმარჯვა. ხოლო მეორე ტურნირს ჯიმ ბრიზმა უმასპინძლა და გამარჯვებული თამრი ჭალლაგანიძისა და ლევან გაბრიჩიძის წყვილი გახდა.
ტურნირზე დარეგისტრირების გადასახადიდან შემოსული თანხა სრულად გადაირიცხა ბავშვთა ჰოსპისში - ‘ციცინათელების ქვეყანა’, დონაციის მსურველებს კი თანხის გადარიცხვა ადგილზე შეეძლოთ.
ორგანიზაცია ააიპ „ბავშვთა ჰოსპისი" 2015 წლიდან ზრუნავს 0-18 წლამდე პალიატიური მზრუნველობის საჭიროების მქონე ბავშვებზე. მთავარი მიზანი ბავშვებისთვის ცხოვრების ხარისხის გაუმჯობესება და მათი ოჯახის წევრების თანადგომაა.
