მოგესალმებით 2025 წლის სეზონში!
საქართველოს პადელის ეროვნული ფედერაცია (GNPF) იწყებს ახალ სეზონს, რომელიც დატვირთულია ტურნირებით, ლიგებით და ახალი შესაძლებლობებით. წარმოგიდგენთ ყველა მნიშვნელოვან ინფორმაციას, რაც უნდა იცოდეთ სეზონის დასაწყისისთვის!
რა უნდა იცოდეთ სეზონის დასაწყისისთვის
მოთამაშის ბარათი
GNPF-ის მიერ ორგანიზებულ ტურნირებსა და ლიგებში მონაწილეობის მისაღებად, ყველა მოთამაშეს სჭირდება მოთამაშის ბარათი, უზრუნველყოფს ეროვნულ და საერთაშორისო ტურნირებში მონაწილეობას, ექსკლუზიურ შეთავაზებებს პარტნიორებისგან და სპეციალურ ფასდაკლებებს.
- წლიური ღირებულება: 150 ლარი
- სად შევიძინოთ: ხელმისაწვდომია abaula.ge-ზე
- Rankedin-ზე რეგისტრაცია: ბარათის შეძენის შემდეგ აუცილებელია ანგარიშის შექმნა rankedin.com -ზე.
არ გაუშვათ ხელიდან შესაძლებლობა, იყოთ პადელის კომუნის ნაწილი!
Rankedin
Rankedin არის ოფიციალური საერთაშორისო პლატფორმა, რომელიც უზრუნველყოფს ქულების, მატჩის შედეგებისა და მოთამაშეთა სტატუსის ავტომატურ აღრიცხვას.
- ვიზიტი: rankedin.com
- რეგისტრაცია: სავალდებულოა ყველა ლიცენზირებული მოთამაშისთვის
ლიგის სისტემა – სტრუქტურა და ფორმატი
2025 წლის სეზონი შედგება სამი დივიზიონისაგან შემდგარი ლიგისგან, რომელიც გაიმართება აპრილიდან ნოემბრამდე. მატჩებს არ გაუძღვებიან მსაჯები, შესაბამისად იქნება თვითრეგულირებადი, რათა მეტად განვითარდეს სამართლიანი წესების დაცვის კულტურა საშეჯიბრო გარემო, რომელშიც მოთამაშეები მეტად იქნებიან ჩართულები.
უმაღლესი ლიგა
- 6 გუნდი კაცებში და 6 გუნდი ქალებში, თითოეული გუნდი 20 მატჩს ჩაატარებს
- გუნდში უნდა იყოს მინიმუმ 4 მოთამაშე
მეორე ლიგა
- 40 კაცების გუნდი, დაყოფილი ოთხ 10-გუნდიან ჯგუფად და 10 ქალების გუნდი ერთ ჯგუფად
- ლიგა გაიმართება ორ ფაზად: პირველი ფაზა გაგრძელდება სამი თვის განმავლობაში, რასაც მოჰყვება ორ თვიანი შესვენება, ხოლო მეორე ფაზა გაგრძელდება დამატებით სამი თვის განმავლობაში.
- ყველა გუნდი თამაშობს 9 თამაშს საკუთარ ქვე დივიზიონში
- ჯგუფების პირველი ორი გუნდი გადის პლეი-ოფში
- პლეი-ოფის ფინალისტები დაწინაურდებიან უმაღლეს ლიგაში
- მეორე ლიგის პლეიოფის გამარჯვებილი ასევე ხდება ჩემპიონი
სტუდენტური ლიგა
- 8 გუნდი, თითოეული თამაშობს 7 მატჩს
- გამარჯვებული გადადის მეორე ლიგაში
GNPF-ის ღია ტურნირები
სეზონის განმავლობაში ჩატარდება ოთხი ღია ტურნირი, რომლებიც გაიმართება ექვს სხვადასხვა კლუბში.
- კაცებისა და ქალების წყვილები
- საკვალიფიკაციო ეტაპი ძირითად ბადეში გადასასვლელად
- ქულების დაგროვება საერთო რეიტინგში
დაგეგმილი ტურნირების თარიღებსა და ადგილებს მალე გაგაცნობთ!
ახალგაზრდული ტურნირები – მომავალი ჩემპიონების განვითარება
GNPF გამართავს სამ ახალგაზრდულ ტურნირს სხვადასხვა ასაკობრივ კატეგორიაში. ყველა მონაწილეს უნდა ჰყავდეს ლიცენზირებული მწვრთნელი, რათა უზრუნველვჰყოთ სათანადო მომზადება და სამართლიანი შეჯიბრი.
- ფოკუსი უნარების განვითარებასა და გამოცდილებაზე
- ახალგაზრდებისათვის მეტი შესაძლებლობების მიცემა
